ઝરમર ઝરમર ઝરે ચાંદની
જઇ એકલતાને વરે ચાંદની
હો ગુમસુમ કોઈ કે ઉદાસ
તો આંખ ભીની કરે ચાંદની
ખીલવે ક્યારે’ક મૌસમ યાદની
ને પાનખરમાં ખરે ચાંદની
એ ના નીકળે જો બહાર-
તો રહે એના ઘરે ચાંદની
ક્યાંક હોઠ તો ક્યાંક આંખ પર
ક્યાં ક્યાં જઈને તરે ચાંદની
મારી ઉદાસીની ક્ષણોમાં-
તને લાવીને ધરે ચાંદની
તરસ છે દિદારની તારા-
એથીજ તો બધે ફરે ચાંદની
ભલે પછાડે દરિયો માથાં
ક્યાં કોઇથી ડરે ચાંદની
No comments:
Post a Comment